Ընդունելության կանոնների համաձայն անհրաժեշտ է ներկայացնել հետևյալ փաստաթղթերը.
Քոլեջի հասցեն է՝
Երևան 40, Ավան, Մարշալ Բաբաջանյան 38
Հեռախոս՝
61-38-61, 62-51-20,61-64-00,
«ԻՐԱՎԱԳԻՏՈՒԹՅՈՒՆ» մասնագիտության շրջանավարտները ստանում են «ԻՐԱՎԱԳԵՏ»-ի որակավորում, կարող են աշխատել ՀՀ դատական համակարգում` դատավորի օգնական, գրասենյակի գործավար,
դատական նիստերի պատասխանատու քարտուղար, ՀՀ քաղաքացիական կացության ակտերի գրանցման մարմիններում, ՀՀ նոտարիատում, տեղական ինքնակառավարման մարմիններում,
ՀՀ ներքին գործերի նախարարության և ոստիկանության համակարգում:
«ԷԿՈՆՈՄԻԿԱ, ՀԱՇՎԱՊԱՀԱԿԱՆ ՀԱՇՎԱՌՈՒՄ ԵՎ ԱՈՒԴԻՏ» մասնագիտության շրջանավարտները ստանում են «ՀԱՇՎԱՊԱՀ»-ի որակավորում, կարող են աշխատել նախարարությունների համակարգում,
առևտրի ոլորտում, կազմակերպություններում, հիմնարկ-ձեռնարկություններում, խնայդրամարկղերում` որպես հաշվապահ:
«ԲԱՆԿԱՅԻՆ ԳՈՐԾ» մասնագիտության շրջանավարտները ստանում են «ՏՆՏԵՍԱԳԵՏ»-ի որակավորում, կարող են աշխատել մասնագիտական ունիվերսալ բանկերում` բրոկերներ (միջնորդներ),
դիլերներ (տարադրամի, դեպոզիտի, արժեթղթերի գործառնություններով զբաղվողներ), բանկային հաշվապահական հաշվառման համակարգում` հաշվապահներ, օպերատորներ։
«ԿԱՌԱՎԱՐՈՒՄ» /ՄԵՆԵՋՄԵՆԹ/ մասնագիտության շրջանավարտները ստանում են «ԿԱՌԱՎԱՐԻՉ»-ի /ՄԵՆԵՋԵՐ/ որակավորում, կարող են աշխատել շուկայական տնտեսության բոլոր բնագավառներում`
հյուրանոցային և զբոսաշրջային համալիրներում, արտադրության, առևտրի և հասարակական սննդի կազմակերպման, դիզայնի, կենցաղային սպասարկման և ծառայությունների կազմակերպման, բուսաբուծական արտադրանքի պահպանման եվ վերամշակման ոլորտներում` որպես կառավարիչ /մենեջեր/:
«ՇՈՒԿԱՅԱԲԱՆՈՒԹՅՈՒՆ» /ՄԱՐՔԵԹԻՆԳ/ մասնագիտության շրջանավարտները ստանում են «ՇՈՒԿԱՅԱԳԵՏ»-ի որակավորում, կարող են աշխատել շուկայական տնտեսության բոլոր բնագավառներում` արտադրության և հասարակական սննդի ոլորտներում,
ծառայությունների կազմակերպման ընկերություններում, գյուղատնտեսական մթերքների գնման, վերամշակման, կազմակերպման և բաշխման համակարգում, հիմնարկ-ձեռնարկություններում` որպես շուկայագետ:
«ՀԱՇՎՈՂԱԿԱՆ ՏԵԽՆԻԿԱՅԻ ԵՎ ԱՎՏՈՄԱՏԱՑՎԱԾ ՀԱՄԱԿԱՐԳԵՐԻ ԾՐԱԳՐԱՅԻՆ ԱՊԱՀՈՎՈՒՄ» /ԾՐԱԳՐԱՎՈՐՈՒՄ/ մասնագիտության շրջանավարտները ստանում են «ՏԵԽՆԻԿ-ԾՐԱԳՐԱՎՈՐՈՂ»-ի որակավորում, կարող են աշխատել ծրագրային ապահովում մշակող կազմակերպություններում՝
որպես ծրագրավորողի օգնական, համակարգիչներ կիրառող բոլոր ոլորտներում` որպես սիստեմային ադմինիստրատոր, համակարգչային օպերատոր։
«ՓՈԽԱԴՐՈՒՄՆԵՐԻ ԿԱԶՄԱԿԵՐՊՈՒՄ ԵՎ ԵՐԹԵՎԵԿՈՒԹՅԱՆ ԿԱՌԱՎԱՐՈՒՄ ՏՐԱՆՍՊՈՐՏՈՒՄ» մասնագիտության շրջանավարտները ստանում են «ՓՈԽԱԴՐՈՒՄՆԵՐԻ ԿԱԶՄԱԿԵՐՊԻՉ–ՏԵԽՆԻԿ»-ի որակավորում, կարող են աշխատել պետական տեսչությունում,
տրանսպորտի և կապի նախարարության համակարգում, ավտոտեխսպասարկման կայաններում, ավտոտրանսպորտի ձեռնարկություններում:
